泰式紅咖喱豬頸肉披薩 ($168+10%)
-
講起香港嘅連鎖薄餅店嚟嚟去去好似都係得嗰幾間，
雖然相對之下呢間嘅規模絕對望塵莫及，
定價相若但食物質素明顯更勝一籌，
亦證明並非間間連鎖薄餅店出品都毫無誠意嘅🍕
呢度嘅Pizza標榜以火山石窯即場焗製，
餅底近似法包一樣薄脆之餘帶有韌性，
面層舖滿豬頸肉、芝士、烤甜椒、茄子等配料，
豬頸肉肉質爽嫩並帶陣陣香茅香，
但豬頸肉比較大嚿而且並非每件Pizza都有，
個人認為可以改為將豬頸肉切成細片，
除咗方便食用之外亦能夠更加平均地分佈；
值得一提嘅是用咗泰式紅咖喱醬而唔係一般番茄醬，
咖喱香料味道馥郁濃厚令整個Pizza充滿泰式風味( ´▽｀)
另外見到仲有其他Pizza款式例如原隻焗釀龍蝦、
明太子軟殼蟹、麻辣手撕雞等都別樹一幟🥳
.
————————————————————————
📍The Point (尖沙咀)
尖沙咀彌敦道100號The ONE 4樓409號舖
[荃灣/九龍灣/青衣/將軍澳及大角咀另有分店]
————————————————————————
.
.
Search